"Loiolako negoziazioek ez zuten erabat porrot egin, orain loratu den prozesua orduan erein baitzuten". Hala uste du Fermin Munarrizek, El tiempo de las luces liburua idatzi duen Gara-ko kazetari iruindarrak. Arnaldo Otegiri idatziz egin dio liburuaren oinarri den elkarrizketa luzea, modu klandestinoan, espetxeak uzten dituen zirrikitu urriak profitatuz. Loiola eta Genevako negoziazio saioak; ezker abertzalearen barruko prozesua, tentsioak eta tirabirak; ETAren azken ekintzak eta borroka armatua betirako uzteko erabakia; Arnaldo Otegi presoaren egoera. Horiek guztiak eta gehiago aztertu ditu Munarrizek, Pello Argiñarena lankidearekin Metropoli Forala saioan izandako elkarrizketan.
