Josetxo Azkona poeta iruindarrak poesiari buruzko sekzio berria jarri du abian Arratsalde.on saioan: Tutulia. Zer da Tutulia? Non da Tutulia? Honatx Azkonaren beraren azalpena: "Erratzutik gora, badugu Izpegi. Izpegitik gora, Iparlarako bidean, han badira mendi kasko batzuk, horietako bat da Tutulia. Toki izen horrek liluratu nau. Eta toki izen hori ekarri nahi izan dut irratira".
Azkonak aste honetan Tutuliara ekarri duen poeta, Vladimir Maiakovski. Futurismo errusiarraren aitzindarietako baten bizitza eta obra ezagutu nahi badituzu, Azkonak gatz, piper eta lirismo ugariz kontatua entzun dezakezu lerroon azpiko grabazionean. On egin!
Argazkia: Literaturaren zubitegia
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!