Aldizkaritegia atalean ARGIA izan da gaurko protagonista, Mikel Asurmendi kazetariak kontatu dizkigu bertan bildu dituztenak, Iruñeko Udalak antolatutako Gazteentzako Literatur sarituetako batzuk izan ditugu estudioan: Amalia Pagoaga Ibiriku, Mar Gonzalez Ruiz de Larramendi eta Iñigo Satrustegi Andres. Kike Diez De Ulzurrunen tabernara jo dugu jarraian, Iruñeko karriketan solasgai diren kontuetaz aritu gara, HABE-k antolatutako "Gazte mundu" programaz mintzatu gara segidan. Eusko Ikaskuntzaren tartean Garmendia Aldaz pertsonaia ezezagun bezain interesgarriaz aritu gara Mikel Bujanda lankidearen laguntzaz.