UEUko Soziolinguistikaren atalean “Euskararen berreskurapenaren esperientzia eta hizkuntza gutxituen biziberritzea” aztertzen ari dira Garabide elkartearekin batera antolatutako ikastaroan.Jon Sarasua izan da gaur Udako Euskal Unibertsitateko hizlari eta Euskalerria Irratian elkarrizketa egiteko aukera izan dugu. Euskararen esperientzia, “beste hiztun komunitateentzat baliagarria” izan daitekeela adierazi digu. Bide batez, guk ere atzerriko beste komunitateengandik asko ikas dezakegula ere nabarmendu du.“Gero eta gehiago dira galera bidean dauden hizkuntza eta kulturak “ Jon Sarasuaren aburuz. Eta hizkuntza zein kultura gutxitu hauek, tresnak behar dituzte biziraun eta biziberritzeko. Erronka horretan, euskarak azken 5-6 hamarkadetan egin duen ibilbidea, aparteko tresna izan daiteke berreskurapen prozesu baten gakoak identifikatzeko.