Udalak gero eta zorpetuago daude. Comptos Ganberak egin du azterketa. Nafarroako 11 udal handienen zorra izugarri igo da zazpi urtetan. Zehazki, ehuneko 107, 2003tik 2010era. 80 milioi euroko zorra izatetik 166 milioi eurokora pasa dira. Iruñea eta Tuterarenak dira zor horren zati handienak; Iruñearena %58, eta Tuterak %27. Dena den, Iruñearen kasuan, zorra populazioaren lerroan legoke. Baina Tuterakoaren kasuan ez. Zorrak zor, krisiak krisi, murrizketak murrizketa…UPNk zenbait proiektu eta azpiegitura egin nahian segitzen du, kosta ahala kosta. Donapeako operazioa eztabaidagai gaur, Iruñeko Udalean, ezohiko osoko bilkuran.
