Lan mundutik, oraingoan ere, egoera latza zertxobait leuntzera etorri den albistea gaur: langabeziak behera egin duela ekainean ere. 736 langabe gutxiago daude, maiatzean baino %1,49 gutxiago. Sektore guztietan jaitsi da langabezia, nekazaritzan izan ezik. Gehien, zerbitzuetan eta industrian. Ekaina, normalean hilabete ona izaten da, uda sasoiaren bezperetan egonik, mugitu egiten baitira kontratazioak. Nolanahi ere, langabeziak handia izaten jarraitzen du. 48 mila 813 langabe daude Nafarroan INEMen zerrendetan izena emanda.
