Diario de Noticias egunkariko politika saileko kazetari Ibai Fernandez eta Berria egunkariko kazetari Joxerra Senar Pasahitza saioan izan dira gobernu krisiaz solasean. Jakina den bezala, sozialistak haserre dira, edo haserre itxurak egiten ari dira UPNrekin. Gobernu ituna hautsi izana leporatu dio PSNk UPNri. Sozialistek diote UPNk bere kasa erabaki duela aurrekontuetatik beste 132 milioi euro kentzea. Haustura badatorrela uste du Senarrek; zalantza gehiago ditu Fernandezek. Haustura gertatuko balitz, horren ondorioak zein izanen litezkeen ere jakin nahi izan dugu.
