Kike Diez De Ulzurrunen tabernan sartuta hasi dugu gaurko arratsaldea, berak kontatu dizkigu kalean ikusi eta entzundakoak, jarraian Iñaki Irisarriri deitu eta burutazioa eskatu diogu. Maitane Burusko langabetuak amatxi eta lagunekin txangoa egin behar izan zuen Puiura, bertan gertatutako xelebrekeriak izan ditu mintzagai, Aldizkaritegiaren txokoan hiruhilabetekari berria mustu dugu, HAZI HEZI sortu berriaz aritu zaigu Ainara Gorostizu. Zineman sartu gara ondoren Gontzel Agoterekin. Bihar giza katea eginen dela eta Herri Ekimeneko Xabier Barberrekin aritu gara solasean. Larunbatean artisten auzoa antolatu dute Iruñeako alde zaharrean, Karlos Ortiz "trapezistaren zorabioak" taldeko kideak eman dizkigu azalpenak.