Laura Mintegik atera dio gaurko goizari argazkia eta horren ondoren soinuaz, zarataz eta kutsadura akustikoaz mintzatu gara Nafarroako Unibertsitate Publikoko Maria San Martin irakaslearekin. Aurrera jarraituz, Patxi Huarte, Zaldi Eroa marrazkilariarekin bihar, Bartzelonak eta Athleticek jokatuko duten partiduaz aritu gara tartarrean, eta udaberrian lorez lore ibiltzen diren erleez ere jardun gara. Gaur arratsaldean Nafarroako Antzerki Eskolan irrizikloaren Irratiko Istorio Arkaikoiak ikuskizunaren aurrerapena egin digu buruz Reyes Ilintxeta lankideak eta amaitzeko Aitor Abaroa zine kritikoak asteburuko estreinaldien berri eman digu. Saioari errematea Josetxo Azkona poetak eman dio, egunero legez.