Madrilen hasi dugu gaurko ibilbidea, Samuel Ziaurriz San Isidro jaietan izan da eta bertan ikusitakoak kontatu dizkigu, sukaldea izan da gure hurrengo pausalekua, Goiatz Goñik zainzuri zopa egiten erakutsi digu. Datorren larunbatean bertso bazkaria eginen dute AEK eta Bertsozaleen elkarteak, Helios Del Santok eman digu informazioa, ARGIA izan da gure hurrengo mintzagaia, azken alea errepasatu dugu Mikel Asurmendiren laguntzaz. Josu Larrinaga izan dugu hurrengo mintzalaguna, marketing-a ote da krisiaren kontrako botika? horretxeri helduta aritu da soziologoa. Xorroxin irratiko Julen Zelaieta berriemaleak Bortziri, Malerreka eta Baztan inguruko kontuak ekarri dizkigu. Xingulu Manguluren tartean Sortzen jaiaren inguruan aritu gara Aitziber Martinez de Lagos antolatzaileetako batekin, galera ekonomikoak gutxitzeko kontu korronte zenbakia ireki dutela kontatu digu. Bukatzeko GARA Egunkariko Martxelo Diazek azken orduko albisteak bildu ditu.