Milaka lagun atera dira kalera irakaskuntza publikoaren alde eta murrizketen aurka. Bart arratsetik ari dira ikastetxeetan mobilizazioak egiten: batzar iraunkorrak, itxialdiak…Goizean zutabeak atera dira Burlata, Mendillorri, Txantrea eta Nafarroako Unibertsitate publikotik. Guztiek bat egin dute eguerdiko manifestazioan. Parlamentutik hezkuntza Departamentura, milaka lagun: irakasle, ikasle eta guraso hezkuntza publikoaren aldeko eta murrizketen aurkako oihuak eginez.
Grebaren erantzuna: Nafarroako Gobernuaren arabera irakasleen ia erdiak, %48,75a ari dira greba egiten, eta ikastetxeen %72. Sindikatuen arabera %70ekoa da erantzuna. Murrizketek irakaskuntza publikoaren kalitateari eraginen diote, eta enplegu galera handia ekarriko dute. Hala ohartarazi dute sindikatuek; protestan jarraitzeko asmoa dute Hezkuntza Departamentuak atzera egin arte.
Sindikatu, irakasle eta ikasleen iritziekin, eta goizak utzi dizkigun soinuekin osatu dugun kronika entzun dezakezue.
[powerpress]
Argazkia: Dani Saralegi