18:00

Burutik taldearen disko aurkezpena

Burutik taldeak Ipuinak izeneko diskoa kaleratu berri du. Zazpi kantuk osatzen dute lana eta Laban aurkeztuko dute lehenengo aldiz zuzenean. Arratsaldeko 18:00etan hasiko da emanaldia.

19:30

'Utzi kontatzen' liburuaren aurkezpena

I. Minaberri Itzulpen-bekaren lan irabazlea da Utzi kontatzen. Ainhoa Mendiluze Ormaetxeak irabazi zuen eta Laurie Hanse Andersonen Speak eleberria itzuli du Mendiluzek Txalaparta argitaletxeak eskutik. Ekitaldian Iruñeko Udaleko Kultura zinegotzia den Maider Belokik, EIZIE elkarteko Fernando Reyk eta Txalaparta argitaletxeko Iñigo Satrustegik hartuko dute parte.

18:00

Mahai-joko kedada

Mahai-joko zaleok: zenbatetan jolastu dugu, halabeharrez, erderaz? Orain euskaraz aritzeko aukera izanen dugu hilabetean behin, Laban eta Tauparen eskutik. Dinamika erreza da: bertaratu, aukeratu zertara jolastu nahi duzun, eta ongi pasa! 

19:00

'Magma mia!' bakarrizketa

Haserre nago, sutan nago, irakiten nago... Presio gehiegi eta zulo guztiak itxita mantentzeko hezi naute. Sumendia lehertzear dago... Magma Mia!!! Bakarrizketa honetan zisheteropatriarkatuak egunerokotasunean gure gorputzetan duen eragina aztertzen da, adin ertaineko emakume baten ikuspegitik. Beatriz Egizabalen bakarrizketa, Xoka, jite disidenteak jardunaldien barruan antolatu du Ehgam Nafarroak.

19:30

'Rosa Parks: nire istorioa' liburuaren aurkezpena

Rosa Parks: nire istorioa liburuaren euskarazko itzulpena egin du Amaia Astobiza itzultzaileak Katakrak argitaletxearen eskutik. Itzultzaileak berak eta Hedoi Etxarte editoreak hartuko dute parte Iruñeko Karrikiri Elkartean egingo den ekitaldian.

19:30

'Denboraren Lorategia' disko aurkezpena

Kantu, hitz eta sormena, Amalurrarekin bat. Itziar Azpirozen Denboraren Lorategia diskoaren aurkezpena antolatu dute Biltokin. Disko aurkezpena eta erakusketa izango dira aldi berean. Arratsaldeko 19:30ean da hitzordua.

16:30

Berrerabiltzearen artea

Erabiltzen ez dituzun prakekin poltsa bat sortzeko tailerra antolatu du Biltokik, Alazne Juaniz 'Erabili'ren eskutik. Arratsaldeko 16:30etatik 19:30era bitartean izango da tailerra, 12 eta 16 urte bitarteko nerabeentzat, hamar euroko prezioan; plazak mugatuak dira eta aldez aurretik eman behar da izena.

18:00

'Olaiaren lorategia'

Udaberriko lehen eguna da, eta Olaia lorategira itzultzen da loratzen ikusteko eta neguaren hondarrak garbitzera. Baina Olaia ez dago bakarrik; lorategi honetan, familiako emakumeek belaunaldiz belaunaldi landutako oroitzapenak loratzen dira. Hutsuneen eta denboraren joanaren arteko bidaia bat proposatzen du Olaiaren lorategia antzezlanak. Teatrodix antzerki komunitarioaren zikloaren baitako proposamena da. Arratsaldeko 18:00etan Nafrroako Antzerki Eskolan taularatuko dute.

20:00

Adiorik ez

La dramatica errante konpainiak Adiorik ez taularatuko du Gaiarre Antzokian. Altsasu eta Yerma lanak nabarmentzen dira konpainiak egindako lanen artean. Kasu honetan, Adiorik ez, samurtasun eta gizatasun istorio bat da. Zainketa aringarrietan eta "ondo hiltzean" zentratuta, bizitzari pozik aurre egitera eta bizitzaren amaiera nolakoa izango den galdetzera bultzatzen gaituen bidaia da pieza. Gaiarre Antzokian taularatuko dute lana arratsaldeko 20:00etan, hamabi euroren truke.