Elkarte memorialistek salatu dute Erorien Monumentuaren katalogoa aldatzeko akordioa “baliogabea” eta hutsa dela. Iruñeko Udalak Eraikinerako diseinatutako katalogoari alegazioak aurkeztu dituzte eraistearen aldeko elkarteek, eskatuz, bertan behera utz dezala erabakia.
Kataloagoa beraren edukiari alegazio bat aurkeztu diote eta beste hiru akordioa baliogabetzeko. Elkarteen ustez, udal-akordioa "baliogabea da, eraikinen udal-katalogoa aldatu nahi delako katalogoa indarrean egon gabe, ez baita osorik argitaratu Udal Planaren behin betiko onarpenaren iragarkian”.
Ondorioz, ezin da katalogo horren aldaketa puntual bat izapidetu, argitaratu arte. Elkarteen esanetan, akordioa "baliogabea” da, besteak beste, proiektuaren bi helburuetako bat, 'Erorien ingurunea aldatzea' delako, II. Zabalgunearen eta Lezkairuren arteko lotura hobetu ahal izateko. Hartara, eraikinaren alboko arkuak eraistea baimentzen da, baina eraikin nagusia mantentzen da. Memorialistek salatu dute “asmo handiko hirigintza-jarduera bat ezkutatzen duela proiektuak”.Berretsi dute, "Erorien katalogoa aldatzeak ez duela
errespetatzen Memoria Demokratikoari buruzko Estatuko Legea, eraikin nagusiko ikur frankistak ezabatu egin behar direla baitio".
Era berean, argudiatu dutenez, "akordioa ere baliogabea da, ez delako aurretiazko herritarren kontsultarik egin gabe inguruko urbanizazioa erreformatzeari dagokionez”.