Hilma af Klint Solnan jaio zen, Suedian, 1862an. 1906koak dira Tenplurako pinturak izeneko seriean jasotzen diren lehenengo pieza abstraktuak. Aitortza, ordea, beranduago iritsiko zitzaion.
Wassili Kandinski margolariak (Mosku, 1866-Paris, 1944) bere orduko New Yorkeko galeristari, 1935ean, aitortu zion abstrakzioaren aita zela: “Zalantza izpirik gabe, hau da lehenbiziko margolan abstraktua munduan”. Hilma af Klintek ordea, propio eskatu zuen bere lanak ez zitezela erakuts bera hil eta hogei urte igaro arte.
Kurioski, urte berean hil ziren orain 80 urte arte abstraktuaren aitzindaritzat jotzen diren bi artistak. Egun, Kandinskik baliatzen zuen segurtasun berarekin af Klint abstrakzioaren ama dela esan dezakegu.
Otsailaren bigarrenera arte dago ikusgai Bilboko Guggenheim museoan Af Klinten obra, hasierako pinturak eta abstrakzioan bete betean murgildutakoak ikusi daitezke.
