Nafarroako mugimendu feministak, Andar con cuidado yo? Al loro vosotros lelopean, urtero bezala kalejira feminista egingo du gaur gaueko 23:00.
Manifestazioaren helburua eraso sexistak salatzea da. Eraso horiek egunero gertatzen dira espazio askotan, baina bereziki aisialdiko gaueko espazioetan, hau da, gure taberna, txosna eta diskoteketan. Hori dela eta, feministek elkarretaratzea gauean egitea erabaki dute, parranda egitera joateko ohitura dugun kaleetan.
Feministek gaurko kalejiran batez ere emakumeak protagonistak izatea nahi dute. Horrek ez du esan nahi manifestaziora gizonak joan ezin direnik, baina bigarren maila batean kokatu beharko dute, protagonismoa emakumeek eraman ditzaten.
Kale jazarpenaz eta eraso sexistez aspertuta dauden emakume guztiei dei egiten zaie gaur gauean Iruñeko alde zaharreko kaleetan haien amorrua adierazteko. Manifestazioa Baratxurien plazatik aterako da eta beltzez jantzita eta buruberoarekin joatea eskatzen da.
