Beira, zeramika, zura, papera, larrua, brontzea, ehunak eta bitxiak. Askotariko materialekin lan egiten duten artisauen erakusleiho bilakatu da egunotan Iruñeko Gazteluko plaza, Naparlur Nafarroako artisau kolektiboak antolatu duen Nafarroako Artisautza Feriaren edizio berriaren eskutik.
Kolektiboko kide Martxa Txibitek argitu moduan, helburua Nafarroan egiten den eskulangintza lana jendarteratzea da, artisauak euren tailerretatik atera eta kalean egiten duten hori erakutsi ahal izatea. "Naparlurren ikusi genuen Nafarroa osoko azoka bat egin behar genuela. Herri txikietan egiten genituen, baina Iruñean bat egitea beharrazkoa zela ikusi genuen, ikusgarritasun handiagoa izateko".
Saltokiak ostegun arratsaldean irekiko dira, 17:30ean; eta ostiral, larunbat eta igandean 10:30etik 14:30era eta 17:30etik 21:30era egonen dira zabalik. Artisauen lana erosteko aukera izateaz gain, urtero bezala, hainbat tailer eginen dira ostiralean eta larunbatean.
Ekainak 21, ostirala
11:00 - 14:00 eta 17:30 - 20:30
- Zeta margotzea. Aziza (Helduentzat)
- Material birziklatuarekin egindako koadernaketa. Helena Aberasturi (Haurrentzat)
Ekainak 22, larunbata
11:00 - 14:00 eta 17:30 - 20:30
- Material birziklatuarekin egindako koadernaketa. Helena Aberasturi (Haurrentzat)
Erakusketa Tailerra:
- Artile kardatzea eta iruntzea. Nagore
- Artilaren finkapena. Kris Meraki
- Ehuntzea. Larsson
Ekainak 23, igandea
11:00 - 14:00 eta 17:30 - 20:30
- Material birziklatuarekin egindako koadernaketa. Helena Aberasturi (Haurrentzat)
Erakusketa Tailerra:
- Artile kardatzea eta iruntzea. Nagore
- Artilaren finkapena. Kris Meraki
- Ehuntzea. Larsson
