Aritz Ibañez Lusarreta, Itxaso Martinez de la Pera Barrachina eta Angel Arana Seguin izanen dira heldu den uztailaren 6ko Txupinazoan ‘Duguna - Iruñeko dantzarien’ ordezkariak, elkarteko bazkideek hala erabaki ondoren.
Aritzek 30 urte daramatza Dugunan dantzari, horietako 21 taldeko zuzendari gisa. Itxasok 13 urte daramatza Dugunan dantzari, jantzien arduraduna da eta batzarreko kidea, azken 8 urteotan.Angel 1970. hamarkadan izan zen taldeko dantzari. Dugunako 2 zenbakidun bazkidea da eta 18 urte daramatza elkarteko presidente gisa.
Uztailaren 6 berezia izanen da Dugunarentzako eta horregatik, udaletxe barruan gertatzen denaz harago, garai ezberdinetako dantzariak bilduko dituen ospakizuna ere antolatu dute txupinazoaren inguruan.
