Hizkuntza Eskola Ofizialeko Euskal Kultura Astea

Euskal Kultura Astea antolatu du Hizkuntza Eskola Ofizialak, martxoaren 11tik 14ra. Lau egun horietan, umorea, zinema, hitzaldiak eta nagusiki, entretenimendua izanen da. 

Astelehenean, Ztandap umorezko saioa eginen dute Idoia Torregaraik eta Mirari Martiarenak. Asteartean, Irati filmaren emanaldia eta ondorengoko solasaldia Paul Urkijo zuzendariarekin eta Iñigo Aranbarri aktorearekin. Martxoaren 13an, asteazkenean, Irrintzi Plazak zuzeneko irratsaioa eginen du bertatik, eta azkenik, ostegunean, Irulegiko eskuaz arituko dira Alberto Barandiaran kazetaria eta Borja Ariztimuño filologoa.