Nafarroan 1.500 pertsona inguruk lan egiten dute bulegoen sektorean enpresa publiko zein pribatuetan. 2020tik lan hitzarmen berri baten negoziazioak zabalik daude, baina 2023ko abendutik aurrera ez da aplikatuko (ultraktibitatea amaituta). Sektoreko erosteko ahalmenaren galera dela eta, soldata-igoerak aldarrikatzen dituzte langileek, prezioen igoera (KPI) baino txikiagoak izan baitira. Negoziazio urteetan KPI oso handia izan da eta soldata igoerarik ez da egon. Era berean, lanaldiaren murriztea eskatzen dute bulegoetako langileek.
Patronatuaren blokeoaren aurrean urriaren 19an greba egin zuten ELA, CCOO, UGT, LAB eta Lankide sindikatuek deituta eta 600 pertsona baino gehiago atera ziren kalera. Arrakasta ikusita, hitzarmenaren desblokeoa errazteko , KPIren araberako igoerak bermatuko dituen
eta urteko lanaldia murriztuko duen hitzarmen baterantz aurrera egiteko, lanuzteak deitu dituzte. Azaroaren 21ean, 23an eta 27an beste hiru eguneko lanuzteak egingo dituzte.
