Aurrera jarraitzen du Iruñeko Udalak antolatzen duen Antzerki Aroak. Asteazken honetan Mairu Antzerki taldearen Intxaurrak antzezlana emanen da Nafarroako Antzerki Eskolan, arratsaldeko 19:00etan.
Manex Fuchek zuzendu du antzezlana eta Gaizka Sarasolarena da testua. Aktore lanetan, Sarasolaz beraz gain, Ainara Ribera, Ritxi Abril, Iban Garro, Juanen Saralegi eta Josune Etxepare ariko dira, azken hau obraren protagonista den Terexaren paperean. Aktoreak argitu bezala, antzezlana UEMAk, Eusko Jaurlaritzak eta Nafarroako Gobernuak elkarrekin abiarazitako Arnasa gara kanpainaren baitan, Arnasguneak antzerki sorkuntzarako beka eskuratu zuen.
Emanaldirako sarrerak aldez aurretik eskuratu daitezke Nafarroako Antzerki Eskolako webgunean, baita egunean bertan ere, leihatilan, ikuskizuna hasi baino ordubete lehenago.