Nafarroa Music Commission-ek, NICDOn integratutako eta Nafarroako Gobernuak sustatutako musikaren bulegoak, sortu eta garatu duen zikloaren helburu nagusiak genero hori desestigmatizatzea eta prestakuntzaren bidez bai sektoreko profesionalak baita haur eta gazteak ahalduntzea dira. Horretarako, programazioak masterclass-ak, zuzeneko emanaldiak, hitzaldiak eta saio didaktikoak emanen ditu ikastetxeetan.
Adrian Alegria DJ-a izanen da hain zuzen ere, egitarauan parte hartuko duen musikarietako bat. Datorren ostiralean, azaroaren 11n izanen da bere txanda, Baluarten, karteleko izen nagusiak diren DJ Falcon eta Terr musikariaren aurretik. 21:00etatik aurrera izango da saioa, eta hauen aurretik musika elektronikoaren profesionalei bideratutako hainbat hitzaldi eta mahainguru eskainiko dira. Alegriaren iritziz, saio hauek oso baliagarriak dira sektoreko profesionalei informazioa eta baliabideak eskaintzeko.
Egitarau osoa eta sarrerak www.navarralivemusic.com webgunean aurkitu daitezke.