Uxue Alberdi Estibaritzek (Elgoibar, 1984) idatzitako eta Begoña Durruty Sukilbidek (Arizkun, 1968) ilustratutako Belarriko kilkerra aurkeztuko du gaur Fernando Reyk. Liburuaren egileak ere aurkezpenean izango dira. Arratsaldeko 19:30ean dute hitzordua Karrikirin.
Egileek aitortu dutenez, ahozkotasuna, memoria, transmisioa, eta giza kondizioaren oinarriak biltzen dituzte. Hala dio liburuaren sinopsiak: "Ahoz kontatu eta belarriz jasotako testuak dira. Norbaitek apartatu ditu eguneroko bizitzako gertakari-sailetik eta gorde ditu memoriaren kaiolatxoan. Min edo ditxa zirelako, gogoratzea merezi zuten". Alberdik akorduan hartu zituenak ez zituen beretzat gorde, ordea, eta, aldian-aldian, "lagunen konpainia noblean, ahora ekarri izan ditu txitean-pitean".
