Bi puntu onartu zituzten aho batez: batetik, apirilaren 4ko Hirigintza Batzordearen gai-zerrendan Sanduzelaiko biribilguneari buruzko puntu bat sartzea; bestetik, berriki eratutako auzo-batzordeari dei egitea eztabaidan parte har dezan.
Horretaz gain honako hau onartu dute: "Mugikortasun-alderdiak konpontzeko premiazko neurri aringarri oro, hala nola biribilgunean zebrabide semaforizatuak jartzea, berrikusgarria eta itzulgarria izango da denbora-tarte jakin batean, eta auzokideekin adostuko da, izendatutako auzo-batzordearen bidez".
Adierazpenaren beste puntu batek, proposatzaileen babesarekin eta Navarra Sumaren abstentzioarekin aurrera atera denak, berretsi egiten du Udaleko talde politikoek martxoaren 21ean Sanduzelaiko civivoxean egindako eztabaida-mahaian hartutako konpromisoa, "epeak eta datak ezarriz ideien lehiaketaren deialdiaren bidez konponbide integral eta behin betikoan aurrera egiteko".