8-80 plataformaren aspaldiko aldarrikapena da Belosoko aldapan bidegorri bat egitea, baina kritiko azaldu dira aukeratu duten ereduarekin.
Urtebetean eraiki nahi dute Iruñea eta Burlata lotuko dituen bidegorria. 1,2 kilometroko ibilbidea izanen da, eta egungo espaloitik igaroko da, autoei tokirik kendu gabe. Hegal bat gehituko diote horma dagoen tokian oinezkoentzako.
Obrak Iruñeko Udalak lizitatuko ditu, Foru Gobernuarekin eta Burlatako Udalarekin sinatutako hiru aldeko hitzarmenari esker. 4,6 lizitazio-aurrekontua du proiektuak, eta Nafarroako Gobernuak 3,8 milioi euro baino gehiago bideratuko ditu Europatiko Nex Generation funtsetatik. Asmoa da espedientearen tramitazioa uda baino lehen amaitzea.
