Iruñeko jai batzordeak, Sanferminetako peñak, erraldoi eta kilikien konpartsak, dantza taldeak eta beste zenbait eragile kultural eta sozialak batu dira Iruñean. Guztion Iruñea dinamika sortu dute, Iruñeko Navarra Sumak ezarri dizkien traba eta oztopoak salatzeko. Ostiralean aurkeztu zuten martxan jarri duten dinamika, eta lanean ari dira lehenengo urratsak ematen hasteko.
Enrique Maiaren udal taldeak bultzatzen duen jai eredu pribatizatuaren aurrean, hiri biziago eta parte-hartzaileago baten alde lan egiten dugun kolektiboak dira, kultura herrikoia eta folklorea erdigunean jartzearen alde eta hiri parekideagoa, feministagoa eta anitzagoa eraikitzeko lan egiten dutenak.
