Urtarrilaren 9an gertatu zen erasoa, Dornier, ordainpeko aparkatze sistema kudeatzen duen enpresaren bulegoetan. Isuna jasotako pertsona batek langile bat kolpeka erasotu zuen, tokitik ihes egin aurretik. Eremu urdineko langileek elkarretaratzea egin dute Udaletxe aurrean gertatutakoa salatzeko.
"Ez da lehendabiziko aldia izan" diote langileek, "Kalean gaude, herritarrengandik oso gertu eta askotan pairatzen ditugu irain eta oihuak". Urtarrilaren 9an ordea harago joan zen tentsioa eta eraso fisikoa jasan zuen Dornierreko langile batek. "Pandemiaz geroztik tentsio gehiago somatzen dugu kalean, herritarrak haserreago, baina guk ez dugu kulparik" diote langileek. Iruñeko Udalari neurriak eskatu dizkiote, batez ere iluntzean, binaka joan daitezen eremu urdineko zaintzaileak. Herritarrei ere lasaitasuna eskatu diete, nekatuta daudelako tentsio hau jasaten.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!