Bertan behera utzi dute aparkatzeko ordainpeko sistema Iruñean elurragatik

Eremu ezberdinetako aparkalekuen koloreak eta marrak ikusteko arazoak direla eta, Iruñeko Udalak iragarri du, gaur asteazkena, bertan behera geratzen direla hiri osoko aparkatzeko ordainpeko eremu urdin, laranja eta gorriak.

Iruñeko karriketan ez dago aparteko arazorik kotxearekin ibiltzeko, hori bai, tentuz ibiltzea eskatu du Udaltzaingoak eta abiadura gaurko baldintza metereologikoei moldatzea.

Goizeko 8:15ak direnean Villavesak normaltasunez ari dira mugitzen Iruñerrian, Ollokira doan autobusa kenduta, oraindik ere ez baita iritsi bertara.