Urtero bezala, ikazkinak tartetxo bat gorde du bere agendan Irrintzi Dorrera hurbiltzeko: 9:00etatik 11:00etara izanen dugu estudioan, bihar. Aurten, entzun eta ikusi ahal izanen da Olentzero. Saio berezia bideo streaming bidez eskainiko dugu euskalerriairratia.eus-en.
Urtero bezala, opari andana ekarriko du ikus-entzuleen artean banatzeko. Gauean etxerik-etxe opariak banatzen hasi aurretik, gogo handia dut irratira joateko eta haurrekin telefonoz hitz egiteko", azaldu digu Olentzerok. Deitzen dutenen artean banatuko ditu opariak.
Olentzerok azaldu digunez, opariok prestatzen laguntza handia eman diote, eskuzabaltasun handiz, honako euskal kultur eragileok: Erein, Elkar, Txalaparta, Bianbi, Argia, Katxiporreta, Pamiela, Garrarte, Ene Kantak, Igela, Susa, eta Denon Artean.
