2023-2024 ikasturterako Iruñeko haur-eskoletan ratioen igoera posiblea iragarri ondoren haur-eskoletako hezitzaileek egoera salatu dute. Izan ere, neurri honekin “hautsi egiten da urteetako ibilbidea, elkartzeei eta hezkuntza-kalitateari dagokienez”.
Batzarrera bertaratutako langileek haien kezka agertu dute aho batez, hezkuntza-kalitatean eragiten duen narriadura dela eta. Urtarrilaren 11n, arratsaldeko 17:00ean udaletxearen aurrean elkarretaratzea eginen dute egoera salatu eta familiak zein alderdi politikoak informatu eta mobilizatzeko asmoz.
