Larunbatean abenduaren 24an Iturralde eta Suit kaletik irtengo da kalejiran Olentzero, arratsaldeko seietan. Hamabi gurdi izanen ditu segizioak eta 2,5 kilometroko ibilbidea eginen dute, 750 lagunen artean.
19:30ean udalbatzak harrera eginen dio Iruñeko udaletxean ikazkinari, La Pamplonesa bandarekin batera. Emakumeen pilota omenduko duen zapi gorria jantziko du Olentzerok. Maider Ardanaz eta Maite Ruiz pilotariek ezarriko diote.
Aurretik, dena den, izanen da Olentzero ikusteko aukerarik. Asteazkenean txistulariekin batera ospitaleko gaixoak bisitatuko ditu. Ostiralean, berriz, Txondorra saria banatuko du elkarteak. Balbino Garcia de Albizu etnografoak jasoko du aurten. Ekitaldia Iruñeko udaletxean izanen da.