Hezkuntza ereduaren errotiko aldaketa aldarrikatu dute ikasleek. Egungo hezkuntza sistema gutxi batzuen mesedetara egokituta dagoela salatu dute, eta haiei ez diela balio. Bestelako eredu baterako ezinbesteko lau gako identifikatu ditu Ikamak: “Hezkuntza feminista, euskalduna, inklusiboa, eta ekologista”.
Horiek lantzeko, ikastetxez ikastetxe lanean aritu dira azken hilabeteotan, Biurdanan egindakoa lanketa azaldu du Markel Ioldik. “Neska gazte taldearekin tailer feminista egin dugu eta mintza kafeak egin ditugu euskaraz gune seguruetan aritzeko”.
Eguerdian Nabarreriatik atera dira ikasleak gaur protestan, Zuenak ez digu balio, hezkuntza gure neurrira lelopean. Hezkuntza departamentutik igarota Baratxurien plazan amaitu dute. Carlos Gimeno hezkuntza kontseilariaren eta Enrique Maia Iruñeko alkatearen aurkako aldarriak oihukatu dituzte.