Ehunka bizilagun bildu ziren atzo Sanduzelai auzoa lau zatitan banatzen dituen biribilgune eta errepide erraldoiei konponbidea eskatzeko. "Geroz eta irisgarritasun arazo gehiago dago eta auzokideak alde batetik bestera pasatzeari utzi behar izan diote" azaldu du Euskalerria Irratian Joseba Arbaiza auzokideak.
Errepidean ikusgarri izateko txaleko horiak jantzita, ehunka bizilagun bildu ziren atzo arratsaldean Sanduzelaiko biribilgunearen inguruan. Konponbidea hitza hizki larriz jarrita zuen pankarta eraman zuten aurrean, horixe nahi dutela azaltzeko, beren auzoa lau zatitan banatzen dituen biribilgune eta errepideen gaineko soluzioa.
Bizilagunen iritziz, errepide eta biribilgunearen soterramendua litzake auzoaren etorkizunerako soluziobiderik onena, baina Iruñeko udaleko gobernu taldeak ez dio auziari heltzen eta trafikoaren gaineko neurriak ikertzera mugatu da. Bitartean, soluzioa eskatzen duten kartel horiak biderkatzen ari dira sanduzelaiko etxeetako balkoi eta lehioetan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!