'Behi Jasa' lana eskainiko dute gaur Iruñeko antzerki eskolan

Adriana Salvo aktorea izan da Irrintzi Plazan eta nabarmendu du indarkeria matxistaz eta aren aurkako borrokaz gogoeta eginarazten duen lana dela. Artista nafarrak nabarmendu du antzerkigintzak "gizartearekin konpromisoa duen publikoa" behar duela.

‘Behi Jasa’ da Nafarroako Antzerki Eskolan azaroaren 23an, 19: 00etatik aurrera, Boga Boga konpainiak euskaraz taularatuko duen antzezlanaren izenburua, Iruñeko Udalak udazkenerako prestatu duen Antzerki Aroa zikloaren barruan. Sarreren prezioa 8 eurokoa da, eta Nafarroako Antzerki Eskolaren webgunean (www.laescueladeteatro.com) edo antzokiko leihatilan erosi ahal izanen dira ikuskizuna hasi baino ordu eta erdi lehenagotik.

Sinopsia

Fernando eta Margarita elkarrekin bizi dira. “Behi-jasa” datorrela esatea maite zaitut esatearen tankerako keinu bilakatu da beraien harremanean. “Behi-jasa” antzezlanak genero indarkeria eguneroko ogia den etxe batean sarrarazten gaitu.

Etxe hau ez litzaiguke hain arrotza, urrunekoa edo ezezaguna irudituko izatez. Hori bai; etxe horretan somatzen den sentimentu ilun horri maitasun deitzea, ankerkeria ikaragarria litzateke; eta horixe da haun justu hain arrotza, urrunekoa edo ezezaguna ez zaigun Margarita eta Gernandoren etxe horretan aurkituko duguna: Bere emazteari maite zaitut-ik ankerrena esaten dion gizon bat.

Tratu txarren gaia poesiaren bidez eta antzerki absurdoaren ukituarekin lantzen duen testu harrigarri honek genero-indarkeriaren aurkako zigilua jaso zuen 2017an Espainiako Gobernuko Berdinatsun Ministerioaren aldetik.

Sormena: Boga Boga

Kanpo begirada: Marina Suárez Ortiz de Zarate

Dramaturgia: Carlos Be

Antzezleak: Adriana Salvo, Iñigo Aranbarri, Laura Penagos

Aholkularitza eszenografikoa: Goizeder Izko

Jantziak: Aiora Ganuza

Argiztapena eta soinua: David Bernués. Acrónica Producciones

Aholkularitza artistikoa: Olatz Gorotxategi

Irudi grafikoa: Sandra Vallejo