Nafarroarako lan-sare baten aukera aztertzeko lan egiten duten LGTBI+ kolektiboen arteko loturak ezartzea; kolektibo desberdinetako pertsonekin aldarrikapen bateratuak adostea, lehentasunen agenda bat ezarriz; LGTBIfobia eta horren ondoriozko erasoak prebenitzeko ekintza bateratuak garatzea; eta LGTBI+ eraginerako agenda propioa ezartzea izanen ditu helburu EHGAM-Nafarroak antolatutako 'Mariburuari ekin bazterrean' jardunaldiak.
"LGTBI+ pertsonen heterogenotasuna eta interesak kontuan hartuta, beharrezkoa da elkarguneak sortzea eta, horrela, LGTBI+ agenda propioa sortzea. Era berean, ikusi da pertsonek eta kolektiboek antolaketa-ereduak behar dituztela, hainbat eragile bil ditzaketenak eta, ondorioz, ekintza bateratuen antolamendua arindu eta erraztu daitezkeenak", nabarmendu dute.
Gaineratu dutenez, lan horretarako "beharrezkoa da esku hartzeko eremuak identifikatzea, LGTBI+ pertsonen gizarte-pertzepzioan eragin negatiboa duten estereotipoak eta aurreiritziak gainditzea ahalbidetuko duten ekintza-estrategiak diseinatzeko".
Egun osoko egitaraua prestatu dute.