Joseba Irazoki eta Lagunek kontzertua eskainiko dute gaur, ekainak 9, 20:00etan, Erraldoien Txokoan. Sarrera doan da, baina aldez aurretik gonbidapena eskuratu beharra dago. Erraldoien Txokoan bertan banatuko dituzte, 19:00etatik aurrera.
Gaurko emanaldian, Jiel III diskoa aurkeztuko dute, hau da, Joseba Irazoki eta Lagunak formularekin plazaratzen duten hirugarrena. Beste behin ere, disko harrigarria sortu du, geruza ugari dituena, entzunaldi bakoitzean detaile berri bat eskaintzen dizuna. Erraldoien Txokoan, Felix Buff baterian eta sintetizadorean ariko da; Jaime Nieto, baxua; Ibai Gogortza, gitarran; eta Joseba Irazoki, jakina, ahotsa, gitarra, sintetizadore eta zaratetan.