Protesta 18:00etan abiatu zen Gazteluko plazatik, eta ordu bete geroago Intsumisioaren parkean amaitu zen, hau da, bere garaian intsumisoak preso izan zituen San Roke karrikako espetxe zaharreko orubean. Protestaren buruan, Intsumisioa gerrei zioen pankarta handia. Hari eusten, hainbat militarista ezagun, horietako zenbait bere garaian MOC-KEM, Kakitzat eta AFOINA taldeetan ibilitakoak.
Amaiera ekitaldian, Aitor Balbas intsumisoak eta Argiñe Salanueva mugimendu antimilitaristako kideak manifestu bat irakurri zuten. Inbasio errusiarra bertan behera uzteko exijitu zuten, eta Ukrainako gutxiengo guztiekiko errespetua eskatu zuten, baita NATOko herrialdeek Ukrainara armak eta soldaduak bidaltzeari utz diezaiotela ere.
Halaber, Espainiako Gobernuak zein Europako Batasunak alde bateko zein besteko desertoreei asiloa eman diezaietela exijitu zuten, eta sostengua adierazi zieten Ukrainako eta Errusiako antmilitarista eta bakezaleei.