Inoiz baino jende gehiago jarri da harremanetan Iruinkokoako antolatzaileekin. Iaz online ospatu ondoren, hiriko plazak hartuko ditu berriro inauteri euskaldunak. Koko fauna osatzeko gazte bila ari dira, baina bestelako lanak egiteko ere edo laguntza ekonomikoa emateko, berriz, adin guztietako euskaldunak dira egokiak. Zaletasun eta abilezia anitz biltzen ditu-eta Iruinkokoak.
Izen emateko iruinkokoa@gmail.com helbidera mezua bidali behar da, azaroaren 12a baino lehen. Ondoren hasiko dira lehenengo errepikak.
