Intsumisioaren borroka jaso duen Bi urte, lau hilabete eta egun bat dokumentala zinema aretoetara helduko da datorren astean. Iruñeko Golem zineman izanen da estreinaldia, astelehenean; ondoren, Baiona, Bilbo eta Gaztelun emanen dute.
Soldaduskaren aurkako borroka intsumisoak Euskal Herria astindu zuen duela 30 urte. Milaka izan ziren Espainiako armadari ezezkoa eman zioten intsumisoak. 2 Urte, 4 Hilabete dokumentalak derrigorrezko soldaduskaren aurka borrokatu ziren sei lagunen istorioa kontatzen du. Lander Garro da zuzendaria, eta Izar Films eta Labrit Multimedia ekoiztetxeekin elkarlanean aritu da lanean.
Plazer handiz geure @2Urte dokumentalaren estreinaldi ofizialaren berri eman nahi dizuegu #intsumisioa @GolemFilms @IzaskunArandia @gaizkaranguren @visualizainfo @jklakasta @toninocarotone_ pic.twitter.com/szr59xclQF
— lander garro (@landergarro) August 26, 2020
