Enrique Maya alkateak iragarri dirulaguntzak emanen dituztela Iruñeko merkataritza eta ostalaritza suspertzeko. Denera 1.800.000 euro.
Bi motatako dirulaguntzak izanen dira: lehena milioi bat euro laguntza zuzenetan COVID-a dela eta, establezimentuetan izan ditzuten gastuei aurre egiteko. Manparak, seinalizazioa, garbiketa produktuak… hilabete hauetan erosi behar izan dituzten gauzengatik izaniko aparteko gastuak aurkeztu ahal izanen dira urriaren 31 arte. Gehienez gastuaren %85 ordainduko du Udalak eta gehienez 1.000 euro emanen zaio establezimendu bakoitzari.
Bigarren laguntza mota kontsumorako bonoak izanen dira. 20 euroko bonuak aterako dira. Kontsumitzaileek bonu hauek 14 euroan eskuratu hal izanen dituzte. Beste 6 euroak udalak jarriko ditu. Pertsona bakoitzak gehienez 5 hartu ahal izanen ditu. Orain epe bat zabalduko dute hilabetea bukatu artekoa, interesatuta dauden denda eta tabernek izena emateko. Ondoren bonuak jarriko dira salgai eta jendeak zerrenda horretan dauden guztietan erabiltzeko aukera izanen dute.
Salmentak, oro har, ongi joan ziren konfinamendua bukatutakoan eta sanferminak arte, Carlos Albillo, Alde Zaharreko merkatarien kudeatzaileak adierazi duen bezala, baina agerraldiekin batera gainbehera gertatu zen berriro eta orain behar beharrezkoa da erakundeen laguntza krisialdi honi aurre egin ahal izateko.