"Ez gatoz gaur hona aurrekontuen proiektua kritikatzera, mezu positiboa ematera gatoz batez ere, eta mezu hori gure konpromisoa da, udal honen gehiengoa osatzen duten gainerako taldeekin beharrezkoak diren akordioak bilatzeko, beste kontu batzuk aurrera ateratzeko, beste inbertsio batzuk, sozialak, inklusiboak, herritar gehienen ongizatea bilatuko dutenak eta bidea berreskuratuko digutenak. Hiri berdea, berdintasunezkoa, feminista, parte-hartzailea, arlo sozialean konprometitua eta eredugarria. Bere iraganaz harro dagoen hiria, bere orainarekin arduratsua eta bere etorkizunarekin konprometitua". Hitz horiekin iragarri du Joseba Asironek, EH Bilduk Iruñean duen bozeramaileak, ostiraleko Osoko Bilkura igarota, non EH Bilduk eskuineko hiruko aurrekontuen aurka bozkatuko duen (oposizioko gainerakoek bezala), zeinaren lehentasuna izango den datorren urteari begira izaera aurrerakoiko inbertsioak lotzeko beharrezko elkar ulertzea bilatzea.
Marian Aldaia eta Endika Alonso zinegotziekin batera emandako prentsaurrekoan, Joseba Asironek gogorarazi du irailean EH Bilduk eskaintza bat aurkeztu zuela "etxebizitza, berdintasuna eta klima-aldaketa" hiru gai sentikorretan hiri akordioak lortzeko, “baina uste dugu horiei gutxienez beste bi gai gehitu ditzazkegula: Justizia Soziala eta Kultura". "Benetan uste dugu gai hauetan Udal honen gehiengoa osatzen dugun alderdien proiektuen arteko batetortzeak hiriarentzat onuragarriak diren akordioak ekar ditzakeela, aurreko akordioetan, hala nola 2019ko inbertsioetan eta IFSetan, agerian geratu zen bezala", argudiatu zuen Asironek honako hau gaineratu aurretik: "Gure konpromezua hala izatea da, eta ahalegin osoa egingo dugu horretan".
