Idatzian, "neurriak hartzeko beharra" aipatzen da eta zenbait sektorek bizi duten “larrialdi egoera”. Adibideak ere eskaintzen dituzte: “Dagoneko iragarrita dauden zazpi etxegabetze”, eta "logeletan bizi diren edo etxegabetzeen biktima diren seme-alabadun guraso bakarreko familien larrialdi egoera”.
Beste proposamen batzuen artean, HKPk honako hau planteatzen du: "Premiaz azter dadila Sarasate pasealekuko 6. zenbakiko udal-pisu handia, 2013tik erabiltzen ez dena, egoitza bezala erabil dadin guraso bakarreko seme-alabadun familiak hartzeko".
Bizitegi-larrialdietarako etxebizitzen udal-ordenantza aldatzea ere eskatzen du, etxebizitza bat eskatzen duten guraso bakarreko bi familiak etxebizitza hori seme-alabekin partekatu ahal izateko figura bat sortzeko.
Bestalde, hutsik dauden udal etxebizitza guztiak birgaitzea eta bizitegi-larrialdietara bideratzea eskatzen du, eta etxegabetzeei aurre egiteko protokolo bat abian jartzea.