Arratsaldeko udalbatzan, bi eserleku hutsik izanen dira. 27 zinegotzi beharrean 25 eseriko dira bilkura aretoan. Geroa Bai eta PSNren tokietan, bi aulki hutsik egonen dira. Pasa den abuztuan, kargua utzi zuten Itziar Gomez eta Elma Saizek Nafarroako Gobernuan kontseilari karguak hartzeko joan zirenetik. Orduz geroztik, Enrique Maia alkateak ez du ezohiko bilkurarik deitu ordezkoak izendatzeko. Gaurko udalbatzan, beraz, gehiengo "faltsua" izanen du. Hala salatu du EH Bilduk.
Navarra Suma presioa egiten ari da Iruñerriko Mankomunitateko batzarra lehenbailehen egin dadin. Aritz Aiesa, egungo mankomunitateko presidenteak, irailaren 26rako deitu du batzar orokorra. EH Bilduk, Geroa Baik eta PSN, ez ohiko udal bilkura eskaria erregistratu dute. Berez, alkatearen eginkizuna da hori, baina udal erreglamenduaren 47. aritikuluaren arabera, udalbatzaren gehiengoak hala eskatzen badu, alkateak bilkura deitu beha du derrigorrez, hamabost egunetan. Irailaren 24an, mankomunitateko batzarra baino bi egun lehenago, beteko da epea.