Armadak etorbidea du berriro, Iruñean

Joseba Asironen udalak izena aldatu zion etorbideari. Katalina Foixkoa izan da kalea apiriletik ekainera bitartean.

Navarra Sumako Enrique Maia Iruñeko alkateak agindutako lehenengo neurrietako bat izan da etorbideak "sortu zenetik" izan zuen izena hartzea berriro. Ekainean alkatearen ebazpen bidez onartu zen izen aldaketa. Gaur ezarri dituzte plakak. Hala, Armada etorbidea da Zabalguneko kalea.

Apirilean izena aldatu zion Joseba Asiron alkate ohiak kaleari. Katalina Foixkoa etorbidea izan da, apiriletik ekainera bitartean.