Sare sozialetan konfirmatu du dagoeneko ezaguna zena: "Nire seme-alabak dira politikagintza uzteko arrazoiak. Haiek hazten ikustea da bizitzak ematen dizun esperientziarik handiena eta ez dut galdu nahi.Loturak eta atxikimenduak eraikitzen diren momentuan ez egotea, ez nuke nere burua barkatuko", hala adierazi du Twiterren Aritz Romeok, egun, Iruñeko Udaleko EH Bilduren zinegotziak. Politikan hamabi urtez aritu ondoren urruntzeko garaia iritsi zaiola esan du. Datozen hauteskundeetan ez da zerrendetan izanen eta bizilagunei kalean elkar ikusiko dutela esan die.
Nire erabakiz hurrengo hauteskundeetan ez dut errepikatuko zinegotzi gisa, Iruñeko Udalean 12 urte egon ondoren. Nire hautu pertsonala da, eta arrazoiak pertsonalak baino ez dira. (Haria)
— Aritz Romeo (@romeoaritz) 21 de marzo de 2019