Gaurko manifestazio eta grebarekin bat egiteko oztopoak salatu dituzte ikasleek. Institutu jakin bateko gatazka dela eta, hainbat ikastetxeetako zuzendaritzek ez baitute eman protestarekin bat egiteko baimenik. Hala eta guztiz ere, Iturrama, Mendillori eta baita Tolosaldetik ere etorritako ikasleak batu zaizkie protestan.
Greba eta protesta eguna deitu dute Txantreako ikastetxeko ikasleek, haien esanetan, zuzendaritzak inposatutako kontrol sozialari aurre egiteko. Pasa den ikasturte amaieran, Eunateko zuzendaritzak, 13 segurtasun kamera jarri zituela salatu dute eta hauek kentzeko eskatuta, erantzunik ez dutela jaso adierazi dute. Gaur manifestazioa egin dute Iruñetik Txantrearaino, beste institutuetatik ailegatutako ikasleen laguntza eta babesarekin.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!