Fridays For Future, ostiralak etorkizunaren alde borrokan izena du mugimenduak. Suedian du jatorria eta duela hilabete zabaldu zen Belgika eta Alemaniara. Gazteak kexu eta kezkatuta aldaketa klimatikoak beren etorkizuna baldintzatzen duelako, instituzioen aurrean elkartzen dira ostiralero, berehalako neurriak eskatuz ingurugiroa babesteko. Gaur egin dute lehendabiziko elkarretaratzea Iruñeko Udaletxe aurrean.
Instituzioekin mesfidati, txikitik eragin nahi dute, klima aldaketari aurre egiteko. Iruñeko lehenengo elkarretaratzean 100 ikasle eta gazte batu dira gaur eguerdian, datozen deialdietan jende gehiago elkartzeko konpromezua hartu dute guztiek. Haiekin batera, azaldu dira Ione Belarra, Podemos-Ahal Duguko diputatua eta Mikel Buil foru parlamentaria, baita Geroa Baiko Itziar Gomez eta Aranzadiko Armando Cuenca zinegotziak ere izan dira.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
