Elkarrekin aurkeztu eta kontsentsuzko hautagaia adosteko deia egin die Iruñeko Ahal Duguk, Izquierda Ezkerra osatzen duten Batzarre eta Ezker Batuari. "2015ean, %5eko langa pasatu gabe PP eta Ciudadanosen 7.000 bozka, ordezkaritzarik gabe geratu ziren Iruñeko Udalean" azaldu du Gaxan Sad, Podemos-eko hautagaiak, "akatsa zuzendu eta elkarrekin aurkeztuko da eskuina maiatzeko hauteskundeetara, aldiz ezker sozialaren esparruan kontrakoa gertatu daiteke, hiru zerrenda ezberdinekin". Horregatik, ardura eskatu die beste alderdiei, elkarrekin aurkeztu eta ordezkaritza bermatu ahal izateko.
Aranzadi-k begi onez ikusten du konfluentzia eta pasa den astean aurkeztutako "Municipalistas" zerrendarekin bat egiteko gonbitea luzatu die beste alderdiei.