Datorren astelehenean hasiko dira ikuskaritzak eta martxoarte luzatuko da kanpaina. Atez ate joanen dira, taberna guztien egoera zein den aztertuz. Duten lizentzia eta benetan egiten duten jarduera bat datozen ikusiko da, soinua eta hotsak mugatzeko gailua instalatuta duten, terrazarik badute mahaien kokapena eta estalkien egoera ere aztertuko dute udaltzainek.
222 taberna, ostatu eta jatetxe daude Iruñeko Alde Zaharrean. Horietatik, 15ek jasotzen dituzte bizilagunen salaketa gehienak. 116salaketa izan ziren pasa den urtean gehiegizko soinua, ateak irekita uzteagatik edo ta aretoaren edukiera gainditzeagatik gehienak. San Gregorio, San Nicolas eta Estafeta kalean kokatuta daude taberna hauek. Alde Zaharreko bizilagunen atsedena eta bizi kalitatea bermatzeko, Iruñeko udalak kontrol kanpaina abiatuko du datozen egunotan, tabernen lizentziak, baldintzak eta egoera teknikoa aztertzeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!