Gaur arratsaldeko 19.30etan “Camino a Gur”s dokumentala estreinatuko da Golem zinemetan, Nafarroako Gobernuak sustatuta, hain zuzen, Gurs-eko konzentrazio esparruan izan ziren milaka pertsonek bizitakoa kontatuz. Asko dago egiteko, garai ilun haietan gertatutakoa argitu eta oraindik ere bide bazterretan lurperatuta daudenak topatzeko.
1939ko otsailaren 5ean Catalunyako frontea erorita, Frantziak mugak zabaldu zituen milaka errepublikazale eta beren familiek frankismoaren jazarpenetik ihes egin ahal zezaten. Nafarroan, Iruñean ordurako faxismoa ezarrita, erbestean ziren jada tropa frankisten eskuetatik ihes egitea lortu zutenek. Data hori gogoratuz, fusilatutakoen senitartekoen elkarteak ekitaldi txikia egin du gaur goizean Iruñeko hilerrian, frankismoak hildakoen omenezko panteoian, erbestea, jazarpena eta erailketak gogoratuz.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!