Disidentzia sexuala eta frankismoaren ondorengo errepresioa izena darama lehen mahai inguruak. Otsailaren 12an izanen da eta hiru parte hartzaile bilduko dira: Mar Cambrolle Jurado (Andaluzia), Eugeni Rodriguez I Gimenez (Katalunia) eta Maite Irazabal Gorroño (Bizkaia). Kattalingorriko Xabier Sanchez ariko da dinamizatzaile lanak egiten. Otsailaren 13an beriz, Preso sozialak borrokan izenarekin Pepe Galan Martin (Madril), Cesar Lorenzo Rubio (Bartzelona) eta Daniel Pont Martin (Girona) ariko dira hizketan. Pepe Uruñuela izanen da kasu horretan dinamizatzailea. Azkenik otsailaren 14an Feminismo intsumisoak trantsizioan izenarekin Justa Moreno Corominas (Madril) eta Mireia Bofill Abello (Katalunia) ariko dira hizketan. Begoña Zabala Gonzalez izanen da dinamizatzailea kasu horretan.
78ko Sanferminak Gogoan plataformak antolatu ditu hitzaldiak Trantsizioa: errepresio isilaraziak goiburuarekin. Kondestablearenean izanen dira mahai inguru guztiak 19:00etan.
